英格兰周四（10日）晚公布世盃名单，喺曼联沦为後备嘅队长哈利马古尼，联同劳基梳尔及拉舒福特嘅「曼联三宝」齐齐入选，而之前备受冷落嘅李斯特城中场占士麦迪臣，意外地获徵召。
英格兰宣布出战世盃26人大军名单，虽然中坚哈利马古尼喺曼联已经冇正选，但主帅修夫基依然死揽佢，照样入选，而另外两名红魔球员劳基梳尔及拉舒福特亦有份，不过同属曼联嘅翼锋查顿辛祖则冇份。
一众主力如哈利卡尼、迪格兰赖斯、美臣蒙特等悉数入围，2名曼城伤兵基尔获加及加云菲腊斯，赶及好番而回归，其中为解右闸荒，除了基尔获加入围外，之前不受重用嘅阿历山大阿诺特及宾韦特双双入选。
而比较令人意外嘅，系哥林威尔逊及占士麦迪臣竟然入围，尤其系一向不获赏识嘅麦迪臣，凭住今季入波及助攻数字不断，终於打动咗修夫基，成功搭上世盃尾班车。
英格兰世盃26人名单
门将
比克福特（爱华顿）、尼克普比（纽卡素）、兰斯达尔（阿仙奴）
後衞
劳基梳尔（曼联）、哈利马古尼（曼联）、艾历迪亚（热刺）、捷比亚（纽卡素）、基尔获加（曼城）、阿历山大阿诺特（利物浦）、宾韦特（阿仙奴）、高亚迪（爱华顿）、史东斯（曼城）
中场
迪格兰赖斯（韦斯咸）、干拿加历查（车路士）、祖迪比宁咸（多蒙特）、佐敦轩达臣（利物浦）、美臣蒙特（车路士）、加云菲腊斯（曼城）
前锋
哈利卡尼（热刺）、史达宁（车路士）、菲尔科顿（曼城）、基亚利殊（曼城）、布卡约沙卡（阿仙奴）、占士麦迪臣（李斯特城）、哥林威尔逊（纽卡素）、拉舒福特（曼联）
