法国领队迪甘斯周四(10日)公布世界盃25人名单，宾施马、华拉尼同派斯奴甘佩比3位正养伤嘅球员照样入选，今季状态大勇嘅基奥特亦获得徵召，将会同基利安麦巴比、宾施马、基沙文、奥士文尼迪比利等组成黄金锋线。
喺保罗普巴同尼高路简迪因伤缘尽决赛周後，迪甘斯唔想再失去更多核心人物，宾施马同华拉尼虽然受到伤患困扰，法国仍然都预埋佢哋参赛，加上今年3月回归法国嘅基奥特，亦用表现保住国家队席位，迪甘斯表示：「基奥特知道自己喺法国嘅位置，亦明白我嘅立场，法国有佢喺度会更好。」
法国今次25人大军当中，有4个球员来自拜仁慕尼黑，包括3名守将班捷文柏华特、卢卡斯靴南迪斯同乌柏美卡奴，据报迪甘斯决定今届世盃会放弃近年采用嘅3中坚阵式，踢返上届世盃夺冠嘅4後衞阵式。法国今届赛事身处D组，同组有丹麦、突尼西亚同澳洲。
法国25人大军名单
门将：洛里斯(热刺)、文丹达(雷恩)、艾路拿(韦斯咸)
後衞：卢卡斯靴南迪斯(拜仁慕尼黑)、迪奥靴南迪斯(AC米兰)、派斯奴甘佩比(巴黎圣日耳门)、伊巴希马干拿迪(利物浦)、祖利斯古迪(巴塞隆拿)、班捷文柏华特(拜仁慕尼黑)、威廉沙列巴(阿仙奴)、华拉尼(曼联)、乌柏美卡奴(拜仁慕尼黑)
中场：卡马云加(皇家马德里)、尤索夫科芬拿(摩纳哥)、拉比奥特(祖云达斯)、曹亚文尼(皇家马德里)、维列度(马赛)、古安杜斯(马赛)
前锋：宾施马(皇家马德里)、奥士文尼迪比利(巴塞隆拿)、基奥特(AC米兰)、基沙文(马德里体育会)、基利安麦巴比(巴黎圣日耳门)、京士利高文(拜仁慕尼黑)、尼干古(RB莱比锡)
