热刺前锋孙兴民早前欧联对马赛一役受伤，导致眼眶骨折，需要做手术，令人担心佢能否为南韩出战今届世界盃，「孙仔」通过社交网宣布，已经冇大碍，一定唔会错过今届世界盃决赛周。
30岁嘅孙兴民话：「大家好，想用啲时间感谢大家对我嘅支持，真系非常感激，从你哋身上获得好多力量，为国家队踢世界盃系好多人嘅梦想，亦系我嘅梦想，我唔会错过，已经急不及待想代表我哋美丽嘅国家，期待同队友们见面。」
孙兴民缺阵热刺近2场比赛，结果分别不敌利物浦、诺定咸森林，预料周六(12日)晚英超热刺主场对列斯联，都唔使预「孙仔」，畀佢专心养伤准备世界盃。
南韩喺世界盃H组，同组对手有葡萄牙、乌拉圭、加纳。
