英格兰足总早前向国家队太太团发指引，列出到访卡塔尔之後各种禁忌，例如饮酒作乐同着短裙可能犯法，真系好麻烦，不过呢个问题已经解决咗，皆因世盃期间太太团将会住喺豪华邮轮上，但基於防疫考虑，球员被禁登船。
英国传媒报道，太太团乘搭嘅邮轮名为MSC World Europa，据报造价高达10亿镑，设有6个泳池、14个按摩池、13间餐厅同30多间酒吧及咖啡厅，设备齐全。最重要嘅系，呢艘邮轮一离开岸边，客人就可以随意饮酒及其他活动，唔使担心违反卡塔尔法律，不过价钱都唔平，每日住宿费要6000镑。
报道指，好多球员妻子连同家人，喺世盃期间都会住喺呢只船上面，已经订晒位，如果英格兰一路晋级，佢哋就一直逗留，期间仲会喺船上开Party。
太太团喺船上叹世界，但球员就要忍一忍，无法登船一齐玩，因为比赛期间，球员到达卡塔尔後，基於防疫需要，必须留喺酒店及球队驻地，同外界隔绝。
