英超球会修咸顿周一(7日)宣布，球会即时解雇主帅夏辛侯迪，结束呢位奥地利教头接近4年领军日子。修咸顿目前喺英超排尾3，面临严峻降班危机，唔少球迷都觉得经历过2次惨败0比9之後，夏辛侯迪依家先被炒已经算「炒得迟」。
修咸顿上仗主场1比4惨败纽卡素脚下，今季14场联赛只得3胜，修咸顿即发声明表示：「夏辛侯达喺2018年12月加盟，对球会有重大贡献，为球队拎到好多令人难忘嘅成绩，对修咸顿基建、组军同身份嘅发展好关键，但我哋认为依家系时候作出改变，衷心感激夏辛侯迪嘅付出。」
不过，修咸顿球迷普遍认为夏辛侯迪「炒得迟」，尤其19年试过主场吞李斯特城9蛋，上年初作客曼联再输多次0比9，一个领队两度经历9球惨败都冇被炒鱿，已经算系一项奇迹。据英国《每日邮报》消息，修咸顿有意搵卢顿领队尼敦锺斯接手。
