寻晚英超阿士东维拉对曼联，C朗不但正选上阵，更戴上队长臂章，不过可惜曼联输1比3，近9场不败走势中断，赛後坦哈格表示，C朗担任队长，只系球队嘅第4选择。
其实以C朗嘅资历同队中地位，担任曼联队长实至名归，但偏偏坦哈格睇佢唔顺眼，今场搵佢做队长，系因为其他人选有变，佢话：「哈利马古尼原本就系队长，但佢今场做後备。」
「至於般奴费南迪斯，今场停赛未能上阵，门将迪基亚系一名领袖，不过佢并非场区内球员，远离队友，所以冇畀佢做。」
「卡斯米路同样有资格，不过佢英文讲得唔系咁好，到最後，C朗成为今场队长。」讲咗咁多，原来C朗呢个队长臂章，只系执4摊咋。
