日本国家队周二(1日)公布世盃26人大军名单，成为今届决赛周首支公布决选名单嘅球队。日本主帅森保一今次点兵有争议，些路迪前锋古桥亨梧意外落选，有伤在身嘅浅野拓磨同板仓滉就有份入围。
古桥亨梧今季喺苏超状态大勇，10场联赛入8球排苏超射手榜次席，落选世盃大军令人意外，而更加估唔到嘅系，些路迪另一前锋前田大然就有份参赛。日本一众外流球星好似富安健洋、南野拓实、久保建英等就一如所料入选。
日本26人名单
门将：川岛永嗣、权田修一、丹尼尔舒密特
後衞：长友佑都、吉田麻也、酒井宏树、谷口彰悟、山根视来、板仓滉、中山雄太、伊藤洋辉、富安健洋
中场：柴崎岳、远藤航、守田英正、镰田大地、田中碧
前锋：伊东纯也、浅野拓磨、南野拓实、相马勇纪、三笘薰、前田大然、堂安律、久保建英、上田绮世
