寻晚曼联对韦斯咸赛前出现有趣一幕，C朗入场时与电视台几位评述打招呼，但就刻意冷落同场嘅加利尼维利，行家兼死对头加历查事後向加利仔抽水，表示：欢迎加入被C朗忽视阵营。
C朗今季在曼联闹出唔少新闻，状态难复旧观，作为佢前队友嘅加利仔不但未有鼓励，更多次发言批评，仲讲过曼联冇C朗更好嘅狠说话，C朗作为「方丈」自然唔高兴。
曼联对韦斯咸赛前，C朗入场後同电视台几位评述包括沙夏同列纳打招呼，有讲有笑揽头揽颈，但同场其实仲有加利仔，C朗当佢透明直接行开，令加利仔相当尴尬。
其实C朗当批评者透明早有前科，之前佢就试过喺球场无视加历查嘅存在，令加历查感到难受。
加利仔被冷落嘅画面在网上发酵，加历查仲出帖抽水：「观迎加入我哋，一个被C朗无视嘅阵营。」佢仲将加利仔被冷落嘅画面复制，成为自己twitter嘅头像。
