利物浦今季重金签入达云纽尼斯，因为经常门前浪费机会，又试过冲动攞红牌，总之表现麻麻，一度被讥为「水货」，不过佢上场欧联终於入波，协助「红军」提前一轮出线，佢就话要多谢苏亚雷斯。
纽尼斯接受《ESPN》访问时透露，好感激佢嘅国家队前辈、乌拉圭传奇前锋苏亚雷斯短讯鼓励：「系好事，因为唔会有咁多有心人，拎起电话传短讯鼓励，佢呢个举动对我好重要。」
「苏亚雷斯系一个典范，一位世界级偶像，我嘅足球生涯只系刚刚起步，呢啲事情佢好清楚，因为佢曾经效力利物浦，踢过英超。」
「苏亚雷斯同我讲，呢啲事喺英超经常发生，所有後衞都会嚟同我纠缠，同我争抢，我需要变得更强大，唔会犯相同错误。」
「最後佢话，『听吓我呢个傻佬嘅建议』，我真系好感激佢。」
