近期重拾霸气嘅拜仁慕尼黑，周六(29日)主场6比2大破缅恩斯，喺联赛取得3连胜。拜仁今场「人人有波入」，6个入波嚟自6个唔同球员，系拜仁慕尼黑史上第3次单场有6个球员入波，教练拿高斯文赛後大赞球队锋力强劲，踢得好有娱乐性！
气势如虹嘅拜仁今场赢得轻松，基拿比5分钟先开纪录後拉开大胜序幕，全场23次攻门有12次命中目标，入波「人人有份」，穆斯亚拿、沙迪奥文尼、哥列斯卡、泰尔同祖普莫亭各入1球，最终大胜6比2完场，喺各项赛事近9仗8胜1和，重现班霸本色。
拜仁教练拿高斯文赛後表示：「球员嘅表现值得赞扬，3日一战仍然保持咁好表现好难得，球队依家入好多波，而且踢得好华丽，我喺场边睇波都觉得好精彩、好有娱乐性，球员将质素同态度完美融入，系真正伟大嘅演出。」
