气势如虹嘅英超「1哥」阿仙奴，周五(21日)凌晨喺欧霸盃A组补赛，主场以1比0击败荷甲劲旅燕豪芬，各项赛事取得8连胜，依家佢哋喺小组领先次席燕豪芬5分，提前锁定淘汰赛资格，下星期作客燕豪芬只要拎1分就肯定首名晋级，形势大好。
阿仙奴喺欧霸盃继续半力出战，主场出击仍然轻松控制战局，全场有21次攻门，不过上半场多次埋门都差最後一脚。踢到71分钟，日本右闸富安健洋右路传中，格列沙加第1时间窝利抽入，尾後燕豪芬想反扑，但为时已晚，阿仙奴最终赢1比0。
阿仙奴喺A组4战全胜排榜首，以5分领先次名嘅燕豪芬，下仗作客燕豪芬只要唔事就锁定首名。欧霸盃分组赛首名可以直接跻身16强，次名就要踢附加赛，面对喺欧联「空降」嘅球队，所以阿仙奴对首名资格系志在必得。
