前利物浦球星法拿根因为膝伤困扰，29岁嘅佢喺个人社交网宣布挂靴。
法拿根出身於利物浦青训系统，为「红军」效力8年上阵51场入1球5助攻，期间曾入选英格兰国家队1次，最後两年外借到般尼及保顿，18年转投格拉斯哥流浪，之後再转会查内尔，最後一间球会系丹麦嘅HB K?ge。
法拿根喺挂靴感言写道：「过去14个月，我一直努力从膝盖手术中恢复，但我要为未来健康着想，从小我就梦想以足球为生，今日我可以自豪咁讲，我嘅梦想已经实现，我喺利物浦做过队长，又为国家队效力，呢啲记忆将持续一世。」
利物浦官方为法拿根送上祝福，但遭球迷强烈反对而删除，原因系法拿根曾因为殴打女友被判处12个月社区令，接受15日康复活动及40小时社会服务。
