曼联将於周日(16日)晚9点英超主场对纽卡素，C朗又有机会创造纪录，呢位37岁葡萄牙球星职业生涯累积入498个联赛入球，如果今场梅开二度，就可以达到500球大关。
C朗上轮英超对爱华顿，终於开斋，取得个人今季联赛首个入球，并成为足球史上首位喺球会生涯入700球嘅球员。如果单计联赛，累积入498球，以C朗嘅好胜性格当然希望一举突破500大关。
虽然C朗今季脚风唔顺，但佢系纽卡素克星，近5次对纽卡素，合共射入7球，就算今场起孖都唔出奇。
另外，拉舒福特8次英超对纽卡素，射入4球及3次助攻，曼联今仗有本钱力争再下一城。
