曼联今夏花费1亿欧元买入安东尼马菲奥斯，连续3场英超入波证明实力，但亦有唔少缺陷，因为3个入波都系同一招数，而且佢嘅传中数据奇差，队友成功接应数据为零。
安东尼喺对阿仙奴、曼城、爱华顿都入波，3球都系右路带波切入中路起脚射远柱入网，佢初战英超，对方後衞未熟悉佢打法，佢先入到波，不过之後就冇咁易，名宿史高斯指出：「安东尼暂时只得一招，佢需要展示不同进攻模式，先能够真正帮到曼联。」
至於传中球，安东尼喺荷甲场均录得1次传中，被列为「强项」，不过荷甲防守同英超相差甚远，佢喺近6仗总共作出9次传中，但竟然冇1次传中成功交到畀队友，而且研究发现，安东尼喺右路仍然用左脚传中，不擅右脚，谈不上出色。
不过坦哈格仍然相信安东尼，认为佢可以在英超成功：「其实佢可以用右脚，喺阿积士期间我训练过佢用右脚，佢仲年轻，仲有得进步。」
