距离世界盃决赛周只有1个月多啲，法国中场尼高路简迪再受伤患折磨，据报呢位车路士球星喺日前操练再度拉伤大腿，最少会缺10月份剩低嘅5场比赛，法国领队迪甘斯未必会召缺态兼有伤嘅球员，尼高路简迪世盃梦面临破灭。
尼高路简迪自8月中对热刺大腿受伤後，一直到9月底先归队复操，不过车路士上场欧联对AC米兰前，领队朴达透露尼高路简迪喺训练中「有唔好反应」而缺阵，法国《队报》周五(14日)报道，呢位31岁中场再次拉伤大腿，未来5场赛事都唔能够上阵。
消息指法国将会喺11月初决选世盃名单，尼高路简迪就算赶及复出，超过2个月冇比赛亦难有状态，何况法国仲有曹亚文尼、尤索夫科芬拿、古安杜斯等中场新势力冒起，尼高路简迪再次入选机会并唔乐观。
