C朗近期在曼联退居後备，上仗曼市打吡更全场坐冷板，连後备落场机会都冇，有肢体语言专家分析C朗在後备席上一举一动，直言C朗充满各种负面情绪，愤怒、不满、沮丧乜都有，大战过後再度传出C朗1月离队，似乎今次冇得掹。
肢体语言专家Darren Stanton指出，微表现系无意识中面部一闪而过嘅表情，时间不足1秒，但可揭示本人内心真实情绪，他说：「虽然C朗冇乜表情，但仔细留意佢左面皱纹鼓起，呢个系蔑视嘅情绪，有不屑，亦有啲愤怒，佢对球场上嘅情况感到沮丧同唔耐烦，因为佢对自己无法後备上阵唔开心，而且非常绝望。」
Darren Stanton分析C朗种种举动，得出结论：「佢喺度谂，点解喺关键时刻坐喺後备席，冇得落场，总括而言佢好唔开心，加上近几个月发生嘅事，佢充满不耐烦、沮丧同愤怒。」
喺曼联嘅不愉快时刻过後，C朗喺IG发放一张全家幅相片，所有成员包括初出世嘅小女儿都入镜，C朗面带笑容，呢张相片发布背後，曼联正经历惨败後嘅狂风暴雨，但曼联嘅一切似乎已经同C朗无关，多个传媒报道，C朗将於1月离队，见到呢张相，睇嚟佢已经下定决心。
