曼联输波新闻多，英国传媒再爆料，领队坦哈格已告知曼联高层，暂停与所有球员续约，佢会再审视球员表现，再作决定。
现时曼联有8位球员合约即将到期，计有C朗、迪基亚、拉舒福特、劳基梳尔、费特、达洛治等6位主力，佢哋可以延长1年合约选项，球会正同佢哋商谈续约，但坦哈格认为唔使急住续约。
英国《电讯报》报道，坦哈格将会再审视球员表现，例如状态、抗压能力、做後备嘅态度等等，估计不达标球员将被弃用。
消息一出，引起曼迷热烈讨论，有人认为呢种手法似足费格逊後期嘅管理，令球员场上更积极、搏命同卖力，咁先有可能争入前4名，但亦有球迷指坦哈格应该审视自己嘅战术设计同排阵，唔好乱搞班球员。
