周日英超曼市打吡全球瞩目，曼联名宿史谭都讲埋一份，佢向旧东家献计，认为今场必须限制艾宁夏兰特，至於对付夏兰特嘅方法，就系用「车轮战」消耗佢体力；不过夏兰特亦不断自我增值，近日苦练「私家右脚」，曼联後衞要唛佢肯定非常困难。
史谭认为，今场曼市打吡一定要唛实夏兰特，否则会好被动：「曼联嘅防守一定要主动，抢到波就送去曼城後场进攻，但同时後防球员要盯实夏兰特，限制佢发挥，唔好畀佢有埋门起脚机会。」
「最有效方法，就系进行针对性防守，曼联可以安排一名中场球员缠住夏兰特，或者采用车轮战术，消耗夏兰特体力。」
不过史谭只系纸上谈兵，夏兰特就以实际行动不断自我强化，擅长左脚嘅佢，喺多蒙特时期就获前德国名将薛基拿为佢制定一套训练计划，苦练唔擅长嘅右脚，令佢更全面，英国传媒报道，夏兰特喺曼市打吡前，佢又再进行右脚特训，提升实力。
