曼联中坚哈利马古尼上季开始表现大跌，球场上犯错连连成为球迷箭靶，上场欧国联对德国唔单止输12码做罪人，据报佢喺比赛期间更整伤大腿，将要休息2个星期，而前曼联球星加利尼维利，就呼吁佢去睇心理医生。
英国《太阳报》报道，哈利马古尼喺对德国期间大腿受伤，虽然佢坚持踢足全场，但赛後检查认为佢需要休息2个星期，预计10月中欧霸盃对奥摩尼亚可以复出。不过哈利马古尼喺曼联已经失去正选，缺阵对球队影响唔算太大。
哈利马古尼每场比赛都被球迷狂嘘，信心受到动摇下继续犯错，形成恶性循环，前曼联球星加利尼维利表示：「我以前都遇过，成8个月时间冇晒信心，连攞波都唔想攞，於是我去睇心理医生寻求帮助，哈利马古尼情况都系一样，佢有坚强性格，亦有好好嘅家庭同队友支持，恢复状态只系时间问题。」
