今季英超卷起森巴旋风，卡斯米路、安东尼马菲奥斯、卢卡斯柏基达等巴西球员排队加盟，巴西今次国际赛大军，就有12个球员喺英超效力。对於呢个现象，韦斯咸中场卢卡斯柏基达指出，喺英超效力嘅国脚都大力推荐呢个联赛，口碑愈做愈好之下，其他球员都慕名而来。
夏天以5,270万镑由里昂加盟嘅卢卡斯柏基达，有份入选巴西今次名单，佢就话：「首先，英超毫无疑问系世界最佳联赛，好多巴西人都会谈论，喺呢度踢波嘅人会同第二个球员讲，英超嘅水平系顶尖，我好开心英超依家有咁多巴西球员，我觉得英超都会帮助巴西国家队有更好表现。」
巴西依家大军有12个英超兵，冇入选嘅仲有加比尔捷西斯(阿仙奴)、加比尔马天尼利(阿仙奴)、加比尔马加希斯(阿仙奴)、菲腊比古天奴(维拉)、艾马逊(热刺)、艾法美路(利物浦)同杜格拉斯雷斯(维拉)。
