英格兰喺欧国联3比3打和德国一役，曼城守将史东斯只系踢咗37分钟，就疑似拉伤大腿而提早退下火线，虽然实际伤势仍有待检查，不过以一般肌肉拉伤嘅康复时间，要赶喺周日(2日)晚英踢踢「曼市打吡」机会唔大，对曼城绝对系重大打击。
史东斯喺上仗对意大利停赛，今场复出即取代基尔获加担任正选，但上半场尾段佢阻截德国进攻，并发动反击後，突然坐喺地上按住右脚大腿，而且表现失望，似乎已知道自己唔可以继续比赛，要由基尔获加入替。
史东斯今季为曼城上阵551分钟，系阵中上阵时间第2多球员，近期改踢右闸亦有突出表现，包括喺欧联对多蒙特有波入，今次受伤令佢几乎肯定缺席「曼市打吡」，预料伤愈冇耐嘅基尔获加会代替佢正选位置。
