瑞典球星伊巴谦莫域球场上霸气十足，40岁嘅佢最近进军大银幕，同样系饰演型到震嘅罗马战士！伊巴谦莫域早前参与拍摄法国电影《高卢英雄传》，将会喺明年2月正式上映，日前公开嘅预告片入面，伊巴谦莫域以罗马战士造型出现，更有打斗场面，够晒噱头！
《高卢英雄传》系法国经典喜剧电影，新一集系以中国汉朝为背景，伊巴谦莫域嘅角色系一个罗马将领，预告片入面有佢摊开双手接受将士欢呼嘅画面，亦有佢用神奇「脚法」挑起头盔，一拳打败敌人嘅动作场面，角色有一定份量。
伊巴谦莫域目前仍然养伤，今季未为AC米兰上阵，不过拍电影暂时唔系佢嘅发展目标，伊巴谦莫域表明想继续系足球场驰骋：「我无所畏惧，依家每日都积极练习，当我返到球场，大家一定会留意到我，依家需要嘅系耐性，我冇考虑过退休，大家等我返嚟！」
