罗马今夏从曼联免费签入尼曼查马迪，开季至今共9仗7次正选披甲，展现甚佳状态，34岁嘅佢同罗马只有一年合约，但如果佢喺世盃前保持全勤，就可激活自动续约条款，可以留喺罗马再踢一年。
马迪系摩连奴爱将之一，今夏加盟後场场都有参与，当中7次正选，人工方面亦唔差，年薪有360万欧元，另加浮动奖金120万欧元，但由於年纪唔轻，因此罗马同佢只签一年约，有表现再倾续约。
合约规定，如果马迪今季为罗马上阵超过20场，将可自动续约一年，再睇罗马今季赛程，暂时已经踢咗9场，喺世盃开始前仲有12场，换句话说，只要马迪嚟紧冇伤冇病并场场都有参与，就可於世盃前达标，激活续约条件。
