亨利喺比利时做助教都有一段时间，嚟紧欧国联大战荷兰，将有机会担正做主帅，事关比利时领队马天尼斯上场对威尔斯期间被逐，如果确认停赛，亨利下场将会以临时主帅身份领军。
比利时上场2比1险胜威尔斯，马天尼斯补时期间喺场边执起个波冇掟番入场，涉嫌拖延时间被球证逐出场，依例停赛1场。马天尼斯认为罚得太严，佢话：「我真系估唔到，但咁唔重要，系嘅，我应该将个波还番畀威尔斯球员，唔好同佢地争拗，但我更想搞清楚，自己到底有冇食红牌？就算我唔还番个波，都系黄牌啫，红牌过分啲喎。」
马天尼斯仲话，希望欧洲足协更正判罚，唔使停赛，但如果真系要坐波监，教练团中会有人顶上，助教亨利可能会担任临时主帅。
