英格兰足总宣布，就曼联球星C朗今年4月故意打走1位爱华顿小球迷嘅手机一事，向呢位葡萄牙国脚作出起诉，一旦罪成，C朗可能被判罚停赛。
曼联今年4月英超作客0比1不敌爱华顿後，C朗返回更衣室途中，1位爱华顿小球迷拎住手机影佢。点知C朗突然发火，出手将对方手机打落地，导致毁烂，该名球迷嘅手背出现红印，疑似受伤。
事後该名球迷嘅妈妈表示，囝囝患有自闭症，C朗亦冇向佢道歉，令佢非常唔开心，当时已经惊动警方，但并未有对C朗作出起诉。
由於事件引起轩然大波，英足总经过详细调查後，认为性质恶劣，指C朗嘅行为不当，并涉及暴力，违反足总相关规例，所以决定起诉佢。
曾经有传如果C朗罪成，可能被罚停赛4至7场，曼联官方表示，已经了解事件，并支持C朗向英足总作出抗辩。
