今届世界盃主办国卡塔尔一直被指系赛事史上实力最差嘅东道主，呢支中东球队又唔争气，喺热身赛以0比3大败克罗地亚U23脚下，以卡塔尔嘅颓势，恐怕会喺11月21日凌晨世界盃揭幕战出丑。
世界排名48位嘅卡塔尔今场面对以23岁或以下本土年轻球员组成嘅克罗地亚U23，竟然毫无还击之力，开赛16分钟已经落後2球，如非对手下半场大轮换，恐怕卡塔尔唔止吞3蛋。
卡塔尔跟住会喺9月24日及28日凌晨踢2场热身赛，分别对加拿大、智利，肯定更加难踢。卡塔尔将於11月21日凌晨世界盃揭幕战对厄瓜多尔，同组仲有塞内加尔、荷兰，睇怕卡塔尔好大机会成为零胜、零分、零入球嘅「三零部队」
