曼联2位前锋安东尼马迪尔、拉舒福特先後受伤，加上C朗状态持续低迷，再次反映球队锋线人脚薄弱问题，英国《太阳报》指红魔鬼主帅坦哈格希望明年1月转会市场重开後，再签入1位射手，头号目标系宾菲加新星干卡路。
现年21岁嘅干卡路今季表现大勇，各项赛事上阵12场射入8球，包括踢6场葡超入4球及2次助攻，因而被球迷捧为「新纽尼斯」，大赞佢嘅实力拍得住今夏转投利物浦嘅前队友达云纽尼斯。
事实上，身高1米85嘅干卡路上季已崭露头角，曾於上届欧联8强次回合对利物浦，射入1球，今夏已吸引纽卡素及拜仁慕尼黑注意，但佢最终都系留队。
据悉曼联近期派人联络干卡路嘅经理人，邀请呢位葡萄牙U21小国脚加盟，由於3位葡萄牙前辈C朗、拿尼、般奴费南迪斯都喺曼联取得成功，成为曼联吸引干卡路成「魔」最大本钱。
宾菲加原本只系将干卡路标价为2,500万镑，但曼联依家加入争夺後，预料呢位射手身价将水涨船高，佢嘅毁约金高达1亿镑。
