「三狮兵团」英格兰周二(20日)宣布，补选利物浦队长佐敦轩达臣，顶替退队嘅加云菲腊斯，以应付嚟紧欧国联对意大利同德国两场大战。
「神轩」於较早前2比1击败纽卡素一战受伤，已缺席红军3场赛事，当时主帅高普表示轩达臣情况不好，经过休养後似乎已经康复，仲刚好英格兰有补选空缺，令佢得以重返国家队。
事实上修夫基喺中场相同位置上有好多选择，除咗加云菲腊斯，仲有迪格兰赖斯、美臣蒙特、禾特普斯同祖迪比宁咸，竞争相当激烈。
其实「神轩」对上一次入选英格兰，要数到今年3月热身赛对瑞士，今年6月欧国联全部缺席，今次英军点兵最初亦冇佢分，再咁落去，入选卡塔尔世盃都好忟水，幸好依家机会来临，32岁嘅「神轩」真系要把握机会。
