热刺喺英超大胜李斯特城6比2，除咗孙兴民上演帽子戏法抢镜之外，好拍档哈利卡尼亦有1球进帐，原来呢位29岁英格兰国脚系「杀狐Goal手」，已累积射入李斯特城20球，其中英超赛事占18球，属於英超史上射入最多次「狐狸兵团」大门嘅球员。
翻查纪录，英超史上对单一球队入波最多嘅球员系舒利亚，佢曾经喺英超累积射入列斯联20球，换言之哈利卡尼仅比呢位传奇射手嘅纪录少2球，随时今季联赛次循环斗李斯特城，就有可能打破舒利亚嘅纪录。
另外，热刺今季英超7战有17分，追平2016/17年球季球队史上单季首7场联赛最佳成绩纪录，该季热刺获得亚军，冠军正系当年由干地执教嘅车路士。
