据英国传媒报道，纽卡素已经同前利物浦门将卡利奥斯达成协议，呢位自由身嘅德国门神完成体测後，将会正式签约加盟，出任尼克普比嘅副选。卡利奥斯今夏先至约满利物浦，而佢最後一次为「红军」喺正式比赛上阵，就系18年欧联决赛嘅「恐怖之夜」。
纽卡素将杜巴夫卡外借曼联後，2号门将卡尔达路日前又喺操练受伤，预料2023年前都唔可以复出，纽卡素即时喺自由身市场物色替补，并闪电同卡利奥斯达成协议，预计呢位29岁龙门会签署一份短期合约。
卡利奥斯自18年欧联决赛2次「送礼」，累球队失落冠军後，近3季被外借去比锡达斯同柏林联，直到今夏约满离队，估唔到仲有机会留喺英超比赛。
