曼联一如所料喺欧霸盃轮换，几位联赛後备C朗同哈利马古尼都正选披甲，但有一人属例外，就系云比沙卡，呢位右闸原来喺临开赛前被飞，只能留喺包厢睇波。
《曼彻斯特晚报》曼联随队记者Samuel Luckhurst爆料：「曼联今场有个奇怪地方，云比沙卡原本有得坐後备席，但喺开赛前离开，之後佢上咗包厢睇波。之前云比沙卡曾缺席对李斯特城嘅比赛，坦哈格当时话佢有轻微伤病问题。」
其实今夏一直有传闻，云比沙卡不在坦哈格计划当中，会方亦试图将佢出售，传过罗马对佢有兴趣，仲有佢母会水晶宫希望借佢回巢，但因为价钱倾唔掂告吹。
云比沙卡系苏斯克查年代签入嘅球员，转会费高达5000万镑，曼联今夏将佢放售，标价2500万镑，因为太贵乏人问津，罗马曾还价1800万镑，遭曼联拒绝。
