曼联前锋拉舒福特今季表现回勇，近4次上阵入3球及2次助攻，协助红魔鬼击败2支劲旅利物浦同阿仙奴，球会管理层非常满意呢位24岁英格兰国脚表现，计划同佢续约5年。
拉舒福特将於明夏约满，虽然曼联有权优先同佢续约多1年，但由於盛传巴黎圣日耳门想邀请「福仔」加盟，红魔鬼方面当然不敢怠慢，希望尽快同呢位射手倾续约，预料会方将开出一份5年长约绑实佢。
曼联领队坦哈格亦支持球会同拉舒福特续约，佢话：「拉舒福特属於球队长期计划之中，曼联掌握局势，唔会令佢出现约满离队嘅情况。」
英国传媒指坦哈格安排拉舒福特踢番佢最擅长嘅正前锋位置後，令佢能够发挥出最佳水准，佢近期踢得非常开心，相信乐意同曼联续约。
