输畀宾福特後被贬後备嘅曼联王牌C朗同队长哈利马古尼，嚟紧欧霸盃对皇家苏斯达将获解禁，重回正选位置，至於近期有好表现嘅利辛度马天尼斯、华拉尼等主力，将会休息。
英国《镜报》爆料，领队坦哈格将於欧霸盃进行轮换，几位後备都会正选登场，最瞩目自然系C朗，佢今季喺联赛只曾一次正选上阵，但就以0比4大败於宾福特脚下，至於哈利马古尼退居後备之後，上仗对阿仙奴後备登场，但立即攞黄牌，呢位队长终於喺欧霸盃回复正选身份。
另一获正选机会嘅将会系C朗喺皇马嘅旧拍挡卡斯米路，暂时佢上阵时间唔多，但欧洲赛经验丰富，相信压得住场。其余位置亦会大幅轮换，域陀连迪路夫、劳基梳尔、费特、艾兰加，仲有新加盟嘅安东尼马菲奥斯，喺欧霸盃都会落场。
至於近期4连胜主力利辛度马天尼斯、华拉尼、杜维尔马拉西亚，坦哈格当咗佢哋系宝，欧霸盃将被收起，以免用残。
