英国诺定咸一间餐厅Hooters近日有出位举动，就系宣布赞助当地一支U10足球队Burton Joyce，派出餐厅嘅靓女到球场，同一班未够十岁嘅足球小将影宣传照，吸引关注，事件引起公众哗然，有网民称令爸爸们好尴尬。
该间餐厅俗称「波霸餐厅」，系美国资金经营，餐厅内聘用大量年轻貌美女性，穿着紧身性感衣着招待顾客，喺区内有一定知名度，系唔少男士嘅蒲点；至於受赞助嘅足球会Burton Joyce成立於1990年，主要培训青少年球员，附设女子队，形象正面健康。
今次波霸餐厅同少年足球队走埋一齐，所得出嘅影响相当负面，餐厅派出旗下靓女到球场，同一班小孩影相，虽然见到班靓女衣着尽量密实，着上印有Hooters嘅运动套装，其中一位靓女拉链拉到上颈，完全冇暴露成分，但保守嘅网民一样唔buy，认为佢哋咁样做会影响儿童心智。
