利物浦喺英超9比0大胜般尼茅夫1日後，苏超班霸些路迪周日(28日)亦作客9比0狂炒登地联，打破苏超史上最大作客胜仗纪录，日本前锋古桥亨梧今场连中三元後，佢亦定下今季入球目标，希望可以攻入30球。
些路迪开季5战全胜，今场作客登地联，古桥亨梧上半场就大演帽子戏法，另一前锋阿巴达喺下半场亦连中三元，带领些路迪狂胜9比0。日本国脚古桥亨梧今季5场联赛已入6球，排喺射手榜第1位。
27岁嘅古桥亨梧上季加盟些路迪後，首季各项赛事合共入20球，佢赛後就话已为今季定下目标：「我嘅队友经常为我制造机会，今季第1个目标系先入20球，但我想挑战30球大关！」些路迪未来1星期硬仗连场，踢完周中联赛盃後，就会喺苏超大战格拉斯哥流浪，之後再喺欧联分组赛迎战皇家马德里。
