法国中场尼当比利喺2019年由里昂转投热刺，被视为英超近年最大「水货」之一，呢位25岁球星今夏被外借拿玻里，估唔到转会後即刻翻生，周四(25日)喺热身赛首次为拿玻里上阵，即刻轰入一记世界波，获新队友大赞。
拿玻里周四友赛意丙球会Juve Stabia，最新加盟嘅尼当比利、拉斯柏杜尼、基奥云尼施蒙尼都有上阵，上半场踢成0比0，但去到57分钟，尼当比利中场截到个波後，立即推到禁区顶轰出「火箭炮」直飞入网，拿玻里最终赢3比0。
今场做队长嘅艾利夫艾马斯表示：「我哋都好熟悉尼当比利，佢系个好有能力嘅球员，希望可以喺拿玻里踢出好表现，佢今场入咗个非常精彩嘅入波。」
