荷甲劲旅燕豪芬喺欧联嘅成败，将决定新星翼锋加普嘅去留，据报呢位23岁球星获曼联、阿仙奴同爱华顿3间英超球会垂青，不过燕豪芬就想等埋欧联附加赛嘅战果先作出决定，消息指曼联已同加普就转会达成协议，成为加普下一站「大热」。
加普上季喺燕豪芬有21个入波同15次助攻，表现光芒四射，引嚟多间英超球会垂青，据报曼联已经同佢达成个人协议，但系早前3,400万镑开价已被拒绝，燕豪芬想等埋欧联附加赛结果先至作出决定，佢哋首回合作客同格拉斯哥流浪踢成2比2，如果顺利跻身分组赛，未必会轻易放人。
据报爱华顿同阿仙奴都有意争夺加盟，爱华顿视佢为李察利臣嘅继承人，而阿仙奴嘅首选系狼队翼锋柏度尼图，如果斟介失败就会改打加普主意，燕豪芬嘅欧联前途将影响多间球会嘅转会计划。
