近年表现备受批评嘅曼联前锋拉舒福特喺英超「双红会」表现大勇，包括射入关键1球，协助红魔鬼赢波。呢位24岁英格兰国脚以往多数踢翼锋，但今仗取代C朗正选位置，以正前锋姿态上阵，效果非常好，佢全场有5次射门，仲有3次扭过对手，表现如有神助。
拉舒福特今场踢咗86分钟，有5次射门，其中2次中目标，入咗1球。福仔活动范围亦非常广，不时参与回防，7次同对手喺地面对抗，有4次胜出，4次争顶亦赢2次，全场有30次触球。
赛後英超官方评选拉舒福特为今场最佳球员，福仔踢正前锋有出色演出，令今场屈居後备嘅C朗，可能被进一步「边缘化」。
