曼联喺转会市场非常忙碌，据报球会已同马赛达成协议，中坚艾历拜利将外借去该法甲劲旅1季，而且合约更有买断条款，意味呢位科特迪瓦国脚好可能唔会再为曼联上阵。清走艾历拜利後，曼联亦将队长哈利马古尼列为「非卖品」，叫车路士死咗条心。
盛传车路士如果收购韦斯利科芬拿失败，就会转向哈利马古尼埋手，不过英国《太阳报》报道，曼联已表明今季冇打算卖走或借走呢位中坚，领队坦哈格亦明显表示佢系球队今季嘅队长，所以车路士唔需要浪费时间喺佢身上。
《曼彻斯特晚报》指出，曼联放走艾历拜利後，依家只剩华拉尼、域陀连迪路夫、哈利马古尼同利辛度马天尼斯4个中坚，就算计埋未获信任嘅杜安薛比都系得5个，所以坦哈格从未考虑过卖走哈利马古尼。
