曾有传被曼联睇中嘅占美华迪，已与李斯特城提早续约两年，踢到2024年，将会喺李城度过37岁生日。
现年35岁嘅华Dee与狐狸之前嘅合约应该到明年6月到期，但李城提早同呢位射手续约，佢2012年加盟当时喺英冠嘅李斯特城，转会费100万镑，转眼间效力狐狸已经10年。截到目前佢为李城出场387次，攻入164球，系球会史上入波第3多嘅球员。
早前，有消息指曼联同车路士都睇中呢位射手，但好似话红魔只愿畀一年合约，家阵曼联可以悭番。不过，李斯特城周六(20日)晚喺英超主场以1比2不敌修咸顿，啱啱新续约嘅华Dee又食白果，而且踢咗65分钟就被换走，状态仍然不足。
李斯特城今季踢3场英超仅1和2负，未来2场英超仲要对车路士同曼联，真系唔易踢。
