曼联20岁新星阿密特迪亚路继今年1月尾被外借去格拉斯哥流浪之後，又要准备「浪人生涯」，英国《每日邮报》指法甲球队尼斯计划借用呢位科特迪瓦国脚1季。
据悉尼斯头号目标系签入阿仙奴翼锋尼高拉斯比比，但要完成交易，并唔容易，一旦同兵工厂倾唔数，就会向曼联借用阿密特迪亚路。
曼联2020年以3,720万镑向阿特兰大收购阿密特迪亚路，但佢长期被投闲置散，仅为红魔鬼上阵9次入1球。
曼联方面有意再次将阿密特迪亚路外借去其他球队，吸收比赛经验，佢本人亦希望有更多上阵机会，相信愿意转投尼斯。
不过，阿密特迪亚路最终会唔会加盟尼斯，仲要睇尼斯签唔签到尼高拉斯比比。
