卢卡古今夏由车路士外借重返国际米兰，令人啧啧称奇，但可能唔只一宗，因为曼联将会有类似操作，就系外借云比沙卡返去水晶宫！
多间传媒报道，水晶宫有意重召云比沙卡归队，佢哋2019年以5000万镑高价放售球员畀曼联，但喺曼联踢咗3季都唔系太适合，上阵126场入2球，侧击力唔够，唛人又唔掂，今季更被坦哈格打入冷宫，做达洛治後备。
消息指，坦哈格正物色新右闸，睇中巴塞隆拿嘅达斯，似乎系贪佢有阿积士dna，该美国国脚身价大约系1700万镑，如果斟介顺利，又或签入多蒙特右闸梅尼亚，就会放走云比沙卡。
云比沙卡唔啱曼联，但水晶宫就话佢好适合，该球员曾当选队内2018至19球季最佳球员奖，之後卖畀曼联，如果今次能成功借回，咁就完美。
