狼队周三(17日)官方宣布，球会以破纪录转会费签入葡萄牙中场马菲奥斯纽尼斯，据报总值达4,220万镑。狼队近年喺经理人佐治文迪斯策划下，疯狂引入葡萄牙球星，马菲奥斯纽尼斯加盟後，依家一队嘅葡萄牙球员竟多达11人！
23岁嘅马菲奥斯纽尼斯同狼队签约至2027年，呢位好波中场表示：「我好兴奋，般卢拿治(狼队领队)好想签我，我亦好想去英超展示身手，我认为呢一步系正确选择。我同好多球员倾过，因为大家都喺国家队合作过，佢哋都话狼队系好好嘅球会。」
自2016年开始，狼队合共签入22个葡萄牙球员，随住干卡路古亚迪斯同马菲奥斯纽尼斯加盟，依家一队嘅葡萄牙球员多达11人，包括鲁宾尼维斯、摩天奴、普丹斯、尼尔逊施美度、柏度尼图、荷西沙亚、杜迪高美斯、捷昆奴同般奴祖达奥。
