世界首富马斯克较早前喺社交网Twitter发文，扬言「正在收购曼联」，令到全球红魔鬼球迷非常雀跃，点知呢位美国特斯拉汽车创办人兼行政总裁，转个头又澄清，话自己只系讲笑，并且唔会收购任何球队，令曼迷空欢喜一场。
有人问马斯克是否认真要收购曼联，佢回应话：「呢个系一个长期喺Twitter流传嘅笑话，我唔会收购任何球队。」据悉马斯克并唔清楚曼联领队坦哈格处境，亦唔知曼联是否应该放走C朗，不过呢位世界首富曾经讲过，如果一定要收购一支球队，就会买曼联，因为佢自细就系曼联球迷。
马斯克今次「弹出弹入」，就令曼联球迷好失望，认为佢根本系趁机抽水，喺球队伤口洒盐，唔少花生友笑曼联发梦都唔好咁早，因为「瞓醒」结果咪又系一样。
