今季陷入水深火热嘅英超球队曼联迎来重磅好消息，世界首富马斯克喺社交网Twitter发文，扬言要收购红魔鬼，若然成事，意味曼联将有「超级大水喉」射住，可大肆增兵彻底改造球队。
美国特斯拉汽车创办人兼行政总裁马斯克，估计身家高达2,420亿美元(约1.9万亿港元)，系世界上最有钱嘅人，而曼联市值21亿美元(约165亿港元)，对於马斯克而言，只系小数目。呢位科技强人喺社交网Twitter发文：「我正在买曼联，唔使客气。」似乎有意拯救红魔鬼。
不过，马斯克并冇透露细节，会否成事仍然系未知之数，但最起码佢有留意曼联。事实上，曼联球迷多年来一直不满班主格拉沙家族嘅管理，要求对方卖盘，如果马斯克真系肯接手，对曼联绝对系好事。
