英超劲旅阿仙奴今夏大事扩军，据报球队仍希望喺转会窗完结前签多个翼锋，代替被评「水货」嘅尼高拉斯比比，而葡萄牙传媒爆料，阿仙奴睇中另一个又系叫比比嘅球员，佢系嚟自波图嘅巴西翼锋。
葡萄牙《球报》报道，25岁嘅比比上季由甘美奥加盟波图，消息指阿仙奴今夏曾开价2,530万镑收购，但被波图一口拒绝，呢支葡超劲旅坚持除非收到比比合约内6,000万镑违约金，否则唔会放人。
报道指阿仙奴唔会支付6,000万镑，但已通知比比经理人，会密切留意佢喺今季欧联嘅表现，唔排除之後会再度出价。阿仙奴右翼尼高拉斯比比上季长居後备，据报已被球会挂牌出售，传闻纽卡素同西维尔都有兴趣接收。
