英超比赛压力极大，唔少领队都经常投诉呢样、投诉嗰样，英国《The Athletic》早前为上季进行统计，显示车路士领队杜曹系英超「牢骚王」，数据显示呢位德国名帅喺57.9%访问入面，都会对唔同事件进行投诉或者埋怨，力压阿仙奴领队阿迪达排第1位。
虽然车路士上季成绩唔算太差，但杜曹嘅投诉同埋怨就够晒「多元化」，关於疫情问题有3次、球证执法、球员表现同运气各有2次，疲劳问题有1次，最特别系4月份主场输畀阿仙奴後，杜曹甚至连史丹福桥球场草地质素都怨埋。
阿仙奴领队阿迪达以55.2%「牢骚率」排第2位，佢最多投诉嘅对象系球证，Big 6入面最少投诉嘅系热刺领队干地。至於利物浦领队高普虽然投诉率只有33.3%，不过类型就最有「娱乐性」，包括电视台转播阴谋论、风势太大以及门将艾利臣比加「只脚太冻」等等。
