曼联新帅坦哈格嘅英超第1击输波收场，主场1比2不敌白礼顿，看台上2名曼联球迷被影到内讧打交，成个奥脱福球场气氛劲差，半场同完场都有大批球迷狂嘘，坦哈格赛後亦表白：「教曼联唔容易?！」
坦哈格成为2014年尹戈尔之後，首个执教曼联第1场英超就输波嘅领队，赛後佢表示：「执教曼联唔容易，今场绝对系一大打击，但我哋要面对呢次失望，我完全唔满意球队表现，好多错误都系不必要，我哋要尽快吸取呢次教训，时间无多，我哋要即刻交货。」
今场比赛曼联球迷睇到躁，比赛期间奥脱福南看台2名曼迷，睇睇下波竟然发生争执「讲手」，附近球迷即时加入劝交，而且完场後全场球迷亦向球员大开汽水。坦哈格赛前话希望主场球迷可以成为「第12人」，但似乎事与愿违。
