曼联今夏聘请荷兰名帅坦哈格执教，可惜英超第1击继续表现差劲下输波，虽然球队志切改革，但中场继续沿用费特+麦汤米尼呢个组合，就被2大名宿坚尼同史高斯齐声炮轰，直指呢个「费麦」中场冇可能帮手曼联反弹。
坚尼表示：「曼联嘅中场完全缺乏足球智慧，尤其系费特，我已经提出咗好耐，费特同麦汤米尼根本唔够班，我哋每个星期睇住佢哋嘅演出，佢哋冇可能会帮到曼联重返高峰。」
另一中场名将史高斯亦加入：「曼联中场质素真系好弱，麦汤米尼冇畀人赶出场已经好够运，费特不断交失波，麦汤米尼就不断带波然後交失，坦哈格一定要拆呢个『费麦』组合，就算留一个喺度都嫌太多。」
