英格兰中场迪格兰赖斯一直系各大豪门搜猎目标，曼联、车路士等都被指对佢好有兴趣，不过消息指迪格兰赖斯今季将答应继续留效韦斯咸，但双方同时有个「秘密协议」，韦斯咸下年唔会阻止佢转投其他球队，而传闻车路士已处於领先位置。
23岁嘅迪格兰赖斯被视为英超最佳中场之一，韦斯咸早前为佢标价1亿镑，仍然有价有市。据《talkSPORT》转会专家曲克爆料，迪格兰赖斯今季决定留队，但同韦斯咸高层有「君子协定」，下季唔可以阻止佢转投其他豪门。
曲克表示：「迪格兰赖斯同意留队多1年，我相信佢哋有协议，虽然哈利卡尼上年嘅事件证明『君子协定』冇乜用，但我相信迪格兰赖斯将来属於车路士，佢同美臣蒙特系死党，亦曾经喺车路士接受青训，佢喺车路士有未完使命。」
